《讀者投稿》
我本身拍拖同我老公住，排緊公屋，結婚有bb就同99一齊住，結婚果時佢已經要我地聽佢講點搞，最後我地無跟嘈左一獲，個b自己湊所以返唔到工，搞到好似寄人籬下咁好多野硬食，自由慣既我真係覺得佢好難頂，佢係果d心情一唔好就黎料果d，我99同62分開左既，99都幾後生下仲會去蒲果d，感情生活係拍拖都唔會拍得長果d，佢都幾公主病下。
個人有潔癖，地下有一滴水都吾得，開頭都唔覺有乜問題，住耐左就大獲，佢無飯煮婦黎，湯都唔會煲下，超強控制慾，乜都要管要理，乜都要順佢意，你唔聽佢講就話你唔尊重不孝呀呢樣果樣，佢唔識湊b換片都吾識，但就要係咁教你，做軍師，夏天果時包到我小朋友實一實，話佢凍，搞到佢個身生晒粒粒，從此我b既衣著我話事，我講唔掂叫我老公講，成日話個fd個親戚個b點點點，人地果個關我鬼事咩，個個b湊法都唔同，佢唔明一樣野就係我地先係佢老豆老母決定權係我地度。
只要果排你唔順佢意佢就開始黎料，講d好難聽既野，咩生個仔出黎係比入，成日以為自己悲劇主角，同d親戚朋友講到自己好慘，不斷係生活上數你，總之做乜佢都有野入你，諗住少同佢接觸唔洗煩啦，佢又話唔得，串佢又話你態度唔好架喎，叫人唔好做既野自己又會做，即係人地唔做得佢就做得。
最搞笑係佢話完你，過幾日自己心情好返d，就會當好似乜嘢都冇發生過咁，然後就會四圍同人講你對佢木口木面，咁大個人都唔知有d嘢講咗係收唔返，俾你話完仲要對住你笑呢個真係笑話！
乜做人老母唔係想個仔婚姻生活美滿？成日搞到全家煩先安落，覺得人地搶左個仔？姐係想個仔永遠同佢一齊，咁應該吾好比個仔拍拖？個仔都結埋婚都唔肯放手，可能有日個仔同佢一樣離婚佢先開心！🤷🏻♀️
＃我的極品四大長老
Search